Enn eitt mataræðisnámskeiðið....

Fékk ekki nóg hjá GB hreinu mataræði og ætla því að prófa Hildi. Fyrsta verkefni vikunnar er að taka út ALLAN sykur, alla ávexti nema ber, unnin mat, kakó og E-efni. Okey, ekkert mál en líka KAFFIÐ! DJöf... get ég það? vil ég það? ég vil heilsu á ný og hún vill meina að kaffið valdi bólgum í görninni svo já, ég verð víst að taka það út. En af hverju er ég að þessu... jú af því að ég er komin með nóg af þessu heilsuleysi, orkuleysi, vanvirkni, neikvæðni, áhugaleysi, þunglyndi og nenni ekki að halda áfram. Er búin að vera frá vinnu síðan mars 2017 og því hefur kvíði bæst við því síðasti vinnustaðurinn minn var svo dásamlegur að leggja niður stöðuna mína í veikindaleyfinu. Takk. Svo ég get ekki laumast í rólegheitum aftur inná vinnumarkaðinn, þarf að sækja um og ég veit ekki einu sinni hvar eða hvert ég vil stefna. Ég lærði auðvitað náms- og starfsráðgjöf því ég veit ekki enn hvað ég ætla að verða þegar ég verð stór... eða jú ég reyndar veit hvað ég væri til í að gera, veit bara ekki enn hvernig ég mun koma mér í það starf. Byrjum á því erfiða, taka út kaffið.

Nýtt ár hafið og það leggst vel í mig. Maður skrifar ekkert hér lengur útaf feisbókinni sem maður er komin með leið á, eða ég allavega. Svo það getur bara vel verið að ég uppfæri mig hér frekar en þar.
Skólinn byrjar í næstu viku og ég er nokkuð spennt. Er búin að skipta um námsleið þar sem að skipulag kennaranámsins átti ekki vel við mig, hef fært mig á uppeldis og menntunarsviðið. Nú svo er planið að halda áfram og fara í námsráðgjöf en það er enn dáldið langt í það. Alla vega stefnan og það er gott að hafa slíka.

Ég og kærastinn ætlum á dansnámskeið og ég hlakka svo til að dansa með honum í tímum og í lífinu.

Gleðilegt nýtt ár!

er að spá í að byrja aftur hérna á nýju ári...

Risa frelsi

að vera laus við Vodafone. Ég er búin að vera viðskiptavinur þeirra í ábyggilega 15 ár en það skiptir þeim engu máli.

Einu sinni buðu þeir uppá "góðan pakka" sem ég fór í. Þegar hringt var í mig frá Tali og þeir að reyna fá mig til sín ákvað ég að skoða mín símamál og sá þá að allt frá Vodafone hafði hækkað töluvert, svona miðað við þenna "góða pakka" frá þeim. Þegar ég ræddi við þá fékk ég þá skýringu að "góði pakkinn" væri ekkert lengur í boði, og spurð í framhaldi að því hvort ég vildi ekki færa mig yfir í Gullið! Þeir hafa eflaust verið hálf fúlir yfir því að ég hafi komist að þessu því auðvitað voru þeir að græða ansi mikið á mér, þessum vitlausa kúnna sem var ekkert að fylgjast með yfirlitinu frá þeim.
Djöf... varð ég pirruð en þeim var alveg sama hvort ég væri þar eða hér og vildu ekkert koma til móts við mig. Þegar reiðin var runnin af mér ákvað ég að breyta úr "góða pakkanaum" yfir í "hinn góða pakkann" (Gullið) og guð má vita hversu mikið hann hefur breyst.

En svo kom Risa frelsi og ég, þessi vitlausi kúnni stóð með 11 ára gamallri dótturinni sem vildi fara í það, eitthvað svo kúl! Ég taldi mig hafi lesið allt sem lesa þarf og sá ekki betur en þetta væri nú eitthvað sniðugt fyrir barnið.
1990 kr. risa frelsi var keypt fyrir afmælispeninginn og taldi ég að það ætti að duga henni út árið þar sem að hún var nú búin að vera ansi lengi með sína 500 kr. inneign.
En svo kemur að 5 punkta letrinu sem er í 10% rasta á skráningasíðu Risa frelsis Vodafone, að Risa frelsi gildir í 30 daga. Enda fannst okkur undarlegt að barnið væri búið með inneignina á svona stuttum tíma.

All right, mín mistök, mitt klúður. En ég stend samt á því að þetta er óskýr auglýsing og hef ég heyrt að fleirum yfirsást þetta.

En hvað finnst Vodafone um það?
Ekkert. Þeim er alveg skítsama svo lengi sem flestir koma í viðskipti til sín en þeir átta sig ekki á því að þeir koma auðvita bara í 30 daga og fara svo eitthvert annað.

Og hvað gerir Vodafone þá?
Búa bara til nýja flotta auglýsingu sem segir í raun ekki rass og vitleysingar einsog ég rjúka til...

en nú er ég rokin og það til Símans.

Adios!

Sæti strákurinn minn kemur heim á morgun :)

 

lá í leti áðan og kveikt var á sjónvarpinu. Ekkert í því einsog vanalega svo According to Jim fékk mitt auga. Í þessum þætti hljómaði lag sem ég hef aldrei heyrt áður og ég er með það á heilanum núna. Mjög fallegt.

nú er illt efni ekkert tyggja má...

ég mun aldrei fá mér möndlu aftur. maður á að vera farin að vita þetta. er að drepast í þessari tönn og hlakka mjög til að mæta til tannlæknis á morgun. hlakka samt ekkert til að borga honum... asskoti dýr mandla...djöf...