Systra spádómur

Mikið er maður ónýtur ef tölvan bilar. Vona að Jóhann geti lagað hana, á reyndar ekki von á öðru. En þangað til að ég fæ hana aftur fór ég og rændi tölvunni frá ma og pa. Netið virðist ekki virka hjá þeim og þar sem að þau geta verið án hennar var það ok.
Atvinnumálin ganga ekkert rosa vel, kannski af því að ég ætla að vera pikkí núna, finna draumstarfið... og fór í dag á ákveðinn draumastað og kynnti mig og nú er bara að bíða. Er annars að fara í viðtal á morgun, stafræn prentþjónusta á 105 svæðinu, langar samt meira í eitthvað annað. Var að tala við systur mína áðan, spákonu. Hún heldur að hún sé með spádómshæfileika og skyggnigáfu, það getur vel verið, annars dró hún tvö spil og hún sá ekki betur en að í þessari viku myndi margt gerast. Eitthvað endar og nýtt tekur við! Er að fara í klukkutíma nudd á föstudaginn í bláa lóninu... vá hvað það verður yndislegt og vona að ég verði orðin settleg fyrir þann tíma svo hægt sé að nudda þessari óvissu og rótleysi úr mér. Þangað til ætla ég að halda áfram í leit að draumastarfinu, díla við þunglyndisstofnun Reykjavíkur (vinnumiðlun), fara í magadans, box og kannski klifurhúsið líka bara.

Adios!