var búin að gleyma...

hvað það er notalegt að fara í sund. Skellti mér áðan með dótturina og frænkuna. Ohh, þetta var svo gott að ég held bara að ég sofni í kvöld :) ákvað líka að synda helling til að gleyma og svo var ég dregin í rennibrautirnar. Rosa stuð.

Svo hitti ég gamlan skólabróður í pottinum sem vinnur í Háskólanum og við fórum að ræða um nám og fleira. Hann sagði mér frá einu áhugaverðu sem ég ætla mér að skoða, er nefnilega dáldið óákveðin hvað ég ætla að verða þegar ég verð stór.

jæja, ætla að fara elda fyrir annaðkvöldið! Býð spennt eftir nýju ári sem verður mitt ár.

Hasar og læti!

Váá, síðustu dagar í mínu lífi hafa verið rosalegir, alveg magnaðir. Ég er bara alveg uppgefin en sem betur fer kemst allt aftur í góðan farveg, kannski eftir nokkra daga, já já, eftir nokkra daga verð ég orðin góð, á líkama og sál. :)

Þarf líka að fara undirbúa mig fyrir aðalhlutverkið mitt sem fer í gang eftir nokkra daga.

Jebb, ég verð auðvitað flottust og sætust og allir muni dýrka mig og dá enda er ég hetja. Það segir systir mín allavega og allt sem hún segir er satt.

Hafið það rosa gott á gamlárskvöld, ég mun allavega gera það. Ég mun vera í faðmi allra þeirra sem elska mig og virða, dýrka og dá!

Tútelú.

upp og niður

Tilfinningar eru flóknar. Við höfum einn dag góðar og svo koma slæmar. Það gerðist eitt hjá mér um daginn sem varð til þess að tilfinningar mínar urðu meira en góðar. Svo kom næsti dagur og "þetta það" lét mér líða stórkostlega vel, var bara næstum á bleiku skýi. En svo getur "þetta það" bókstaflega dúndrað manni niður á einu augnabliki. Og "þetta það" vissi það alvega. Auðvitað átti ég að vita að "þetta það" er bara glatað og ekki þess virði að eyða tilfinningum í. "Þetta það" spilar með tilfinningar mjög vel en þar sem að endalausar leiðinlegar tilfinningar fylgja hef ég ákveðið að snúa mér að einhverju nýju.

Það styttist í nýtt ár og ég finn að það verður mitt ár, loksins. Það mun heita My year 2009. Ég ætla nefnilega að vera í aðalhlutverki, ekki auka. Ætla að láta allt snúast í kringum mig og útfrá mér mun allt snúast í kringum það fallega í lífinu mínu sem eru auðvitað börnin mín. Og ef að draumaprinsinn bankar uppá þá fær hann ekki að vera í aðalhlutverkinu, hann fær aukahlutverk, til að byrja með. Og ég er að búa mér til skemmtilega lista yfir því sem draumaprinsinn þarf að hafa. Já, ég ætla ekki að endurtaka gamlan leik, velja einhvern sem lítur út fyrir að vera góður gæi en er það svo bara ekki.

Einn sætur og skemmtilegur vinnufélagi sagði við mig um dagin að við konur værum flóknar. Ég hló og sagði að það væri ekki rétt, lífið væri bara flókið.

Ætla út og reyna að hressa mig við.

Fór í bíó í kvöld á Taken sem er alveg frábær en ég verð að láta vita að ég er með alveg ægilegan kvikmyndasmekk og sumir sem þekkja mig hrista hausin yfir honum. Og á undan myndinni var sýnt úr einni slíkri sem ég er bara ansi spennt yfir. Veit samt ekki hver myndi nenna með mér þar sem að brói verður farin úr landinu og engin kærasti lengur sem lagði margt á sig við að horfa á svona lélegar myndir með mér...

en hér er trailerinn og ef þetta hrífur einhvern þá bara endilega hringja

Nóg að gera í þesari viku. Læra fyrir próf og æfa fyrir magadanssýningu. Er rosa spennt, líka fyrir prófinu, bara klára þetta. Var í góðu jólahlaðborði í Skíðaskálanum með fjölskyldunni. Ætlaði reyndar að fara í kjólin sem ég komst í mér til mikillar ánægju og henntist með í hreinsun en nokkrar smellur höfðu dottið af í meðferðinni. Ég þarf víst að þræða nálina og sauma... held ég ætti að geta það nú ef ekki þá tala ég bara við mína yndislegu saumakonu. Er að hugsa mér að vera í honum í jólaboði vinnunar, þá verð ég að vera mjög pen, fer ekkert á dúndrandi fyllerí klædd honum. Annars er þetta kjóll sem amma í Sigló átti, frekar gamall en mjög flottur. Á reyndar annan svipaðan en ég mun aldrei komast í hann.

Jæja, ætla að skríða uppí rúm og vona að það sé pláss fyrir mig þar sem að dóttirin hefur tekið sér bólfestu í mínu rúmmi og lætur mig finna fyrir því.

Adios.

Hlusta núna bara á nýja diskinn minn og ég kann ekki á tölvur, kann ekki að setja uppáhaldslagið mitt hingað inn ef það er ekki til á youtube svo endilega kíkið á myspacesíðuna hennar Ragnheiðar og þar er hægt að hlusta á Flowers in the morning og reyndar líka Before it gets too loud.

Góða skemmtun og ég á ekki að vera blogga né ferðast um á þessari feisbók sem er ekki það sem ég hélt hún væri, eða kannski er hún bara ekki fyrir alla og þá er ég á þeim lista.

Á að vera læra!

Adios