28. nóv. 2007

er að hugsa um að taka út þetta commentakerfi... hefur engan tilgang!

26. nóv. 2007

Verkefni í vinnslu...

er að klára verkefni í Kennslufræði greinasviða, þarf að gera ferilmöppu sem er fædd en þó ekki alveg. Verð að segja að ég er bara nokkuð ánægð með hana, gaman að geta skilað rafrænni ferilmöppu, gaman að búa hana til sjálfur með aðstoð Dreamweaver og Beggu, nýta plássið sem maður á í gegnum Og1.

Eða hvað segið þið, er hún ekki bara dáldið flott hjá mér?

22. nóv. 2007

Brói!

 
Hann á afmæli í dag minn frábæri, yndislegi stóri bróðir. Til hamingju með daginn! Ég kem í köku á eftir :)
Posted by Picasa

20. nóv. 2007

ró og næði

er komin í Reykjanesbæinn. hér er ekkert sem truflar mig frá átt til fimm á daginn svo ekkert annað að gera en að læra. mjög fínt. svo þegar gaurarnir koma heim ræðum við um skólakerfið, greiningar og hvað sé eða hvort það sé hægt að gera eitthvað. fæ líka frábæra aðstoð við verkefnið mitt og knús alla nóttina.

best að halda áfram...

19. nóv. 2007

Athyglisbrestur

og ég held að ég þjáist af honum. Held að ég hefði verið greind þannig ef skólakerfið hefði verið þannig á sínum tíma. Ef eitthvað er að nemendum eru þeir sendir í greiningu.
Ég sit sveitt og pikka, er að gera verkefni og ég stend upp á 10 mín. fresti. Ég get ekki setið kyrr. Get bara einbeitt mér í smástund. Arg... og verkefnið fjallar um athyglisbrest með ofvirkni.

Ég er allavega ekki ofvirk, vild ég væri það!

Best að standa upp og labba um íbúðina.

16. nóv. 2007

Taktu lyfin þín!

Ég þarf að taka inn lyf á hverjum degi, ef ekki er ég orkulaus og grennist. Ótrúlegt en satt þá tókst mér að gleyma því og skyldi ekkert í því hvers vegna ég þurfti alltaf að vera að leggja mig. Þá var einhver sem vísaði mér á þennan vef og ég hef ekki gleymt að taka inn lyfin mín í langan tíma.

Þið sem eigið í sömu vandræðum þá mæli ég með þessum pilluáminningavef.

Smá spurning/brandari hér í lokin: Af hverju er ljóskan á pillunni?

14. nóv. 2007

Klára 2007, útskrift 2008!

Ég sótti um í Kennaraháskóla Íslands í desemeber fyrir ári síðan. Þeir voru að bjóða fólki að klára kennsluréttindanám á einu ári. Ég klára því námið núna í desember.
Þetta er eitthvað nýtt hjá þeim. Hefur gengið upp en mikil óánægja hefur verið í hópnum. Svo bætast þessi skilaboð:
„Því miður var ekki hægt að hafa sérstaka brautskráningu fyrir þá nemendur sem ljúka kennsluréttindanáminu um áramót.“

Mig sem langaði í útskrift, þegar ég væri búin með námið mitt. Ekki á ég von á því að mæta 14.júní 2008 og fagna þá.
Ég þarf ekki lengur að safna mér fyrir dressinu!

Fúli skóli.

13. nóv. 2007


vá, ég er bara hissa á því hversu vel mér gengur. Ég er jákvæð. Allt er jákvætt. Ég meira að segja held að ég útskrifast bara núna í desember...

og þá verð ég að fara safna, safna mér fyrir drauma dressinu...

9. nóv. 2007

Hætt að vinna, byrja að læra!

Ég skrapp til Keflavíkur í gær. Knúsaði kærastann, fór með hann á heilalausavitleysu í kvikmyndahúsi bæjarins, Halloween. Mæli með henni ef þú hefur ekkert annað gera. En svo var rokið á fætur og brunað uppá Kjalarnesið. Þar átti ég góða stund með nemendum mínum, fengum okkur popp og djús og horfðum á Super Size Me. Áhuginn minnkaði þegar um 10 mínútur voru búnar af myndinni. Skil það ekki, finnst hún frábær. En þau eru jú bara 12 ára, kannski of leiðó mynd fyrir þann aldur. En þeim langaði ekki í maggadóna eftir myndina, var meira að segja orðið illt í maganum af poppinu.
Ég var auðvitað knúsuð af þeim öllum. Mun sakna þeirra helling. Þau ætla að bjóða mér á liltu jólin sín.
Starfið mitt hefur verið sett niður á þrjá starfsmenn skólans. Námsráðgjafinn, stærðfræðikennarinn og svo aðstoðarskólastjórinn. Ef þeim mun finnast þetta eitthvað erfitt þá geta þau sett sig í mín spor.

Ég ætla samt að fara aftur á nesið í kvella. Það er víst partý og þar fæ ég meira knús.

En ég þjáist enn af stífleika í baki, held það sé vegna þess að núna verð ég að fara lesa, lesa og lesa. Því verður kannski lítið skrifað hér á næstunni.

Óskið mér bara góðs gengis, látið mig vita að ég get gert þetta, að ég muni ná prófunum mínum.

Stjörnuspáin mín í dag er ágæt svona í tilefni dagsins!

Vatnsberi: Alveg eins og sólargeisli sem kíkir í gegnum stækkunargler getur kveikt eld, þá tekur hið góð yfir og margfaldast þegar þú ert jákvæður.

6. nóv. 2007

Stjörnuspá dagsins!

Vatnsberi: Farðu að vinna hvort sem þig langar það ekki. Hvort sem löngunin kemur eða ekki eftir að þú byrjar, þá hefurðu alla vega lokið verkinu.

Ætli ég geti þetta?